ليه بنستخدم رولمان بلي


ليه بنستخدم رولمان بلي و اي انواعه؟؟ منقول من inv0
الرولمان البلي (bearings ) الاستخدام الاساسي ليه تقليل الاحتكاك ف الاجزاء الدوارة (الجزء الخارجي ثابت مع الجسم و الجزء الداخلي بيتحرك مع الدوران) وكمان بيقلل السخونه الناتجه عن الحركه
طب تركيبه ايه ؟
هو بيكون عباره عن حلقتين بينهم عدد كبير من كور البلي صغيره او اسطوانات او مخروط على حسب نوع ال bearing ده
الفكره بتاعته ان واحده من الحلقتين ( الداخليه او الخارجيه ) بتتثبت علي الجزء اللي بيدور والتانيه علي الجزء الثابت
واول ما تبدأ الحلقة تدور بتبدأ الاجزاء اللي جوا الرولمان البلى انها تلف علي الحلقه الثابته فبتالي ده بيقلل الاحتكاك لاقل ما يمكن ✌️
و بيكون فيه منه مقاسات standard وانواع وده بيكون علي حسب ال Load اللي هيشيله و ال force اللي هتأثر عليه !
منها ال Ball bearing وده النوع اللي بيتحمل force عموديه بس
وفي Tapered roller bearing وده بيتحمل force عموديه ورأسيه
اخيرا بقي اي التطبيقات اللي بنستخدمها فيه ؟
ليه تطبيقات كتير ومعظمها بتكون ف الاجزاء الميكانيكيه اللي بيكون فيها احتكاك مع بعض عشان متتعرضش للتأكل فبنلجأ للرولمان البلي لانه اقل كتير ف التكلفه و بيقلل من تكلفه التصليح لو في تلف